فضفضة شباب
أنا عايز اتجوز!
بس مش لاقي البنت اللي تريحني وتكون متدينة بجد!
والمشكلة دي عند شباب كتير غيري
الشاب المتدين او الشاب الملتزم يتمنى ايه في شريكة حياته؟؟
انا حتكلم عن نفسي ومش حبعد كتير عن الشباب الملتزم
انا عايز بنت تعرف ربنا بجد
تكون بتصلي كل الفروض
وتكون محجبة بجد (يعني مش على الموضة) لان الحجاب مافيهوش موضة
يعني مافيش حاجة اسمها حجاب اسباني او (حجاب فاشون)
الحجاب معروف الجسم كلة ماعدا الوجه والكفين
يعني الحجاب مش مجرد طرحة
يعني ملابس وايشارب
الملابس ماتكونش مجسمة ولا شفافة ولا فيها حاجة بتلمع ولا ملفتة للنظر
وكذالك الايشارب او الطرحة مايكونوش شفافشين ولا ملفتين للنظر ولا فيهم حاجة بتلمع
ومش حاطة مكياج
ولا عطور
يعني م الآخر على طبيعتها
دي كدة البنت اللي ماشية بما يرضي الله
لكن المشكلة ان دلوقتي كثير من البنات
اللي كانوا محجبين حجاب عادي وملتزم اتجهوا للموضة في الحجاب بتاعهم
يعني ايه حجاب اسباني مش فاهم (يعني البنت يبقى جزء من رقبتها وودنها باينيين)
طيب ايه حكمة ربنا سبحانة وتعالى في حجاب المرأة؟؟
سبحانة وتعالى قال (ولايبدين زينتهن الا ماظهر منها)
ومعني ماظهر منها : باتفاق العلماء او اغلبهم انه الوجه والكفين
عشان عارف سبحانه ان المرأة كلها حتى لو كان شكلها عادي او تحت العادي بتغري الرجل
وعشان الموضوع يبقى مكتمل
قال الله تعالى
(وقل للمؤمنين يغضوا من ابصارهن)
يعني الشباب والفتيات والرجال والنساء وكل الاعمار من البلوغ الي الموت
يغضوا ابصارهم
وفوائد غض البصر :
رضا الله عنك
طاعة لاوامر الله ورسول الله صلى الله عليه وسلم
عدم انتشار الزنا وانقراضة
عدم انتشار الشهوات ومشاهدة مايغضب الله
انتشار الامن والامان
لكن ما يحدث الآن عكس ذلك لاننا ابتعدنا عن منهج ربنا سبحانه وتعالى...
انتهى الجزء الأول من الفضفضة
وحكمل ان شاء الله باقي الموضوعات المتعلقة بالجواز في الوقت الحالي
مع تحيات : اخوكم في الله طالب الستر من الله وان يرزقني بمن اعف نفسي بيها ان شاء الله
اللهم ارزق كل شاب وفتاه العفاف بالزواج الشرعي يا رب العالمين
قولوا آمين
وانشروا رسالتي لعلها تصلح حال ولو انسان واحد
السبت يونيو 30, 2007 8:43 am
